Kuz-qish mavsumida havo harorati keskin sovishi natijasida aholining isitish vositalariga bo‘lgan talab oshgani sayin turli ko‘ngilsiz hodisalar, ya’ni yong‘inlar sodir bo‘lishi kuzatiladi.

Joriy yilning 15 noyabrdan- 15 dekabriga qadar Respublikamizda “Yong‘in xavfsizligi oyligi” e’lon qilindi.Jizzax viloyat Favqulodda vaziyatlar boshqarmasi va Jizzax Davlat Pedagogika universiteti hamkorligida har bir fakultetda  yuzaga kelishi mumkin bo‘lgan yong‘inlar, ommaviy ovqatdan va is gazidan zaharlanish kabi holatlarni oldini olish maqsadida, «Yong‘in xavfsizligini oldini olish” va “Botulizm-xavfli kasallik” mavzusida seminarlar tashkil qilindi.

Tadbirda turli xil qo‘lbola yasalgan isitish vositalaridan foydalanmaslik, yashash xonadonlarida yong‘in xavfsizligi qoidalariga rioya qilish hamda muddati o‘tgan oziq-ovqat mahsulotlarini iste’mol qilmasliklari yuzasidan tushunchalar berildi.Talabalar tomonidan berilgan savollarga mutaxassislar tomonidan javob berildi, o‘tkazilayotgan profilaktik tadbirlar jarayonida mavzuga doir eslatmalar tarqatildi.

Shuningdek, ushbu tadbir davomida binoda mavjud birlamchi yong‘in o‘chirish vositalari bilan ta’minlanganligi, binoda yong‘in sodir bo‘lganda ishchi va xodimlarning harakatlanish chizmasining to‘g‘ri joylashtirilganligi, universitet binosi va talabalar yotoqxonasi binosining isitish qozonxonalarining qish mavsumiga tayyorgarlik holati o‘rganilib, tegishli tavsiyalar berildi.