2026-yil 6–11-fevral kunlari Toshkent shahrida, Olimpiya shaharchasining basketbol maydonida U18 toifasidagi yoshlar va qizlar jamoalari o‘rtasida O‘zbekiston chempionati bahslari bo‘lib o‘tdi. Musobaqa yuqori saviyada tashkil etilib, keskin va murosasiz kurashlarga boy tarzda kechdi.

Yakuniy natijalarga ko‘ra, Jizzax viloyati jamoasi oltin medalni qo‘lga kiritib, chempionlikni tantana qildi.

Jamoa tarkibida sardor sifatida maydonda harakat qilgan JDPU Jismoniy tarbiya va sport fakulteti 1-bosqich talabasi, “JDPU Ziyokor” jamoasi a’zosi Ma’mirova Sevinchning o‘yinlari alohida e’tirofga loyiq. U hal qiluvchi uchrashuvlarda jamoa g‘alabasi uchun katta hissa qo‘shib, yetakchilik fazilatlarini namoyon etdi.

Quvonarlisi, Ma’mirova Sevinch endilikda MDH davlatlari o‘rtasida o‘tkaziladigan (CAVA) Chempionlar ligasi musobaqasiga tayyorgarlik ko‘rish maqsadida milliy terma jamoaning o‘quv-yig‘inlariga jalb etildi.