“JIZZAKH INTERNATIONAL SCHOOL” xususiy maktabida  XORIJIY TILLAR FAKULTETI INGLIZ TILI O`QITISH METODIKASI KAFEDRASI bilan hamkorlikda “Ta`limda xorijiy tajribalarni qo`llash imkoniyatlari” mavzusida  viloyat maktab o`qituvchilari uchun xalqaro konferensiya bo‘lib o‘tdi.  Konferensiyani “Jizzakh International School” xususiy maktabi direktori, Xorijiy tillar fakulteti Ingliz tili o`qitish metodikasi kafedrasi katta o`qituvchisi F.Abdullayeva hamda kafedra mudiri A.Jabborova  ochib berdi. Ular o`z nutqida har bir tilning millat taraqqiyotida tutgan o`rni, Jizzax davlat pedagogika universitetining xalqaro hamkorlik aloqalari, kelgusidagi rejalar va istiqbollar xorijiy tillarini chuqur oʼrganish oʼquvchi-yoshlarning zamonaviy bilimga ega boʼlishi va professional koʼnikmalarni egallashining asosiy omili va sharti ekanligi haqida to`xtalib o`tdi.

Shundan so‘ng mavzu yuzasidan Jizzax davlat pedagogika universiteti Xorijiy tillar tillar fakulteti, Ingliz tili o`qitish metodikasi kafedrasi professor o`qituvchilari A.Jabborova, D.Safarova, M.Djurayeva, H.Botirova va S.G`iyosovalar ma’ruza qildilar.

Konferensiya so‘nggida, taqdim etilgan ma`ruzalar asosida ta`limda xorijiy tajribalarni qo`llash, XXI asrda tilni o‘qitish va o‘rganishning ko‘nikmalari, metodlari va psixologik asoslarini o‘rganish asosida yo`l xaritasi ishlab chiqish va bosqichma-bosqich amalga oshirish yuzasidan takliflar bildirildi.