O‘zbekiston Respublikasi Vazirlar Mahkamasining 2022 yil 7 martdagi 101-F-sonli farmoyishi bilan tasdiqlangan “2022 yilda respublika miqyosida o‘tkaziladigan ilmiy va ilmiy-texnik tadbirlar rejasi”ga muvofiq Jizzax davlat pedagogika universiteti Pedagogika va psixologiya fakulteti Maktab menejmenti kafedrasi tomonidan “Ta’lim muassasalarida boshqaruv jarayoni va o‘quv sifatini takomillashtirish muammolari” mavzusidagi Respublika ilmiy – amaliy konferensiyasi tashkil etildi. Mazkur konferensiyada respublikamizning yetakchi olimlari tomonidan uzluksiz ta’lim tizimi boshqaruvi hamda oliy ta’limda ilg‘or innovatsiyalarni joriy etishning pedagogik imkoniyatlari ochib berish, ta’lim muassasalarida o‘quv sifatini oshirish jarayonga yangicha pedagogik texnologiyalarning tatbiq etish, ta’lim muassasalarida talaba qizlarni rahbarlik lavozimlariga tayyorlashning pedagogik texnologiyalari joriy etish kabi dolzarb mavzularda so‘z bordi. Konferensiya o‘z yo‘nalishlarida faoliyat olib bordi, tegishli xulosalar qilindi hamda amaliyotga yo‘naltirilgan tavsiyalar ishlab chiqilishi belgilandi.
