Tabiiy fanlar fakultetida talabalarning ekologik madaniyatini oshirish, ularda tabiatga mas’uliyatli munosabatni shakllantirish hamda amaliy ekologik bilimlarni mustahkamlash maqsadida “Ekologik qonunchilik – mening huquq va burchlarim” mavzusida davra suhbati tashkil etildi.

Tadbirda professor-o‘qituvchilar, fakultetning faol talabalari hamda ekologik sohada tadqiqot olib borayotgan mutaxassislar ishtirok etdilar. Davra suhbati davomida mamlakatimizda amal qilayotgan ekologik qonunlar, fuqarolarning tabiatni asrash borasidagi huquq va majburiyatlari, atrof-muhitni muhofaza qilishda yoshlarning roli haqida atroflicha ma’lumot berildi.

Shuningdek, ishtirokchilarga Orolbo‘yi hududida amalga oshirilayotgan ekologik loyihalar, yashil iqtisodiyotga o‘tish jarayonlari va “Yashil makon” tashabbusi doirasidagi amaliy ishlar haqida ham ma’lumotlar taqdim etildi. Suhbat yakunida talabalar o‘zlarini qiziqtirgan savollariga javob oldilar, ekologik huquqbuzarliklarning oldini olish bo‘yicha fikr almashdilar.

Tadbir ekologik madaniyatni yuksaltirish, yoshlarning huquqiy bilimini oshirish va ularni faol fuqarolik pozitsiyasiga ega bo‘lishga undashda muhim ahamiyat kasb etdi.