JDPU Boshlang‘ich ta’lim fakultetida xotin-qizlar maslahat kengashi tomonidan Fuqarolik ishlari bo‘yicha viloyat sudi bilan hamkorlikda “Tazyiq va zo‘ravonlikni oldini olish hamda gender tenglikni ahamiyati» mavzusida seminar-trening bo‘lib o‘tdi.

Tadbirda Fuqarolik ishlari bo‘yicha viloyat sudi sudyasi L.Xalitova, Xotin-qizlar maslahat kengashi raisi Z.Kasimovalar ishtirok etishdi. Seminarda davlat boshqaruvida xotin-qizlarning teng ishtiroki hamda qonuniy huquq va manfaatlarini ta’minlash, ularning ijtimoiy-siyosiy maqomini yanada oshirish, ta’lim olish, gender tenglikni ta’minlash, shuningdek, oilaviy ajrimlarning sabablari, ayollar va bolalarga nisbatan tazyiq-u zo‘ravonlikning oldini olish, ijtimoiy himoyani yanada kuchaytirish maqsadida qonunchilikka kiritilgan o‘zgartirishlar, jumladan bolalarga nisbatan tazyiq o‘tkazgan va zo‘ravonlik sodir etganlik uchun kiritilgan javobgarliklar haqida ma’lumotlar berib o‘tildi.

Uchrashuv o‘zaro fikr va mulohazalar, qiziqarli savol-javoblarga boy tarzda o‘tkazildi.