Jizzax davlat pedagogika universitetida 1 oktyabr — O‘qituvchi va murabbiylar kuniga bag‘ishlab “Sog‘lom inson – sog‘lom millat” shiori ostida futbol musobaqasiga qur’a tashlash marosimi bo‘lib o‘tdi.

Musobaqada jami 12 ta jamoa ishtirok etib, ular 2 ta guruhga bo‘lingan holda o‘zaro kuch sinashadi. Bellashuvlar 17 sentyabrdan start olib, 25 sentyabrga qadar davom etadi.

Tadbirda Jismoniy tarbiya va sport fakulteti dekani Furqat Ahmedov hamda Yoshlar masalalari,ma’naviy-ma’rifiy ishlar bo‘yicha birinchi prorektori F.Aqchayev ham ishtirok etishdi. Jarayonda musobaqaning bosh hakamligi vazifasi ular zimmasiga yuklatildi.

Ushbu musobaqa universitet jamoasi a’zolari o‘rtasida sog‘lom turmush tarzini targ‘ib qilish, do‘stona muhitni mustahkamlash va sportga bo‘lgan qiziqishni yanada oshirishga xizmat qiladi.