Jizzax davlat pedagogika universiteti tuzilmasi qoshida tashkil etilgan “Qatag‘on qurbonlari xotirasi” muzeyi o‘z tarixiy xazinasini yana bir qimmatli eksponat bilan boyitdi.
Kuni kecha muzey fondiga 1917-yillarga oid, Jizzax uyezdidagi “Dmitrov” kolxozi raisi bo‘lib faoliyat yuritgan Xidirnazar Ortiqov xonadoniga tegishli eshik zulfi topshirildi.
Qimmatli tarixi va o‘ziga xos qiyofasi bilan alohida ahamiyatga ega bo‘lgan ushbu buyum Xidirnazar Ortiqovning nabirasi — Xayrulla Xidirov tomonidan muzeyga sovg‘a qilindi.
Atroflicha o‘rganilganda, eksponat nafaqat bir oilaning tarixiy merosini, balki o‘sha davrning maishiy hayoti, ijtimoiy muhiti va qatag‘on yillarining targ‘ibot-tajribalaridagi izlarini ham o‘zida aks ettiradi. Muzey xodimlarining ta’kidlashicha, ushbu topshiriq ekspozitsiyani yanada boyitib, talabalar va mehmonlar uchun yangi tarixiy mulohaza va bilim manbai bo‘lib xizmat qiladi.
Jizzax davlat pedagogika universiteti rahbariyati va muzey jamoasi Xayrulla Xidirovga tarixiy merosni asrab-avaylab, muzeyga taqdim etgani uchun minnatdorchilik bildiradi.
