Jizzax davlat pedagogika universitetida har shanba kunlari uzluksiz kasbiy rivojlanish kuni doirasida professor-o‘qituvchilar uchun tashkil etilgan navbatdagi seminar-trening o‘tkazildi.
Tadbirda O‘zbekiston xalqaro islomshunoslik akademiyasidan taklif etilgan olimlar ishtirok etishdi. Seminar doirasida Nazarov Azamat Sattorovich “Nizoni muzokara orqali hal qilish texnologiyalari: professor-o‘qituvchilar uchun himoya strategiyalari” mavzusida ma’ruza qildi.
Shuningdek, akademiya professori Akromov Mirmuhsin Rustamovich “Ta’lim jarayonini boshqarishda muloqot psixologiyasining o‘rni” mavzusida ishtirokchilarni qiziqtirgan ma’ruzasini taqdim etdi.
Ma’lumki, tadbir davomida mavzuga oid savollar ko‘tarildi va olimlar tomonidan to‘liq hamda aniq javoblar berildi. Seminar ishtirokchilari o‘z fikr va mulohazalarini bildirib, bilim va malakasini yanada oshirish imkoniga ega bo‘ldilar.
Ushbu seminar-trening professor-o‘qituvchilarning kasbiy rivojlanishi va ta’lim sifatini yanada yuksaltirishga qaratilgan muhim tadbir sifatida e’tirof etildi.
