Yig‘ilishni talabalar orasida ijtimoiy-ma’naviy muhit barqarorligini ta’minlashga mas’ul bo‘lgan rektor maslahatchisi B. Nishonboyev kirish so‘zi bilan ochdi va ta’lim-tarbiya olayotgan talaba-yoshlarning odob-axloqi va darslarni o‘zlashtirishi borasida to‘xtalib o‘tdi.

Keyingi so‘z navbati Korrupsiyaga qarshi kurashish bo‘lim boshlig‘i A.Umurzoqovga berildi. U o‘z so‘zida universitetda talabalar uchun yaratilgan sharoitlar, oliygohning ichki tartib qoidalari xususida to‘xtaldi.

Shundan so‘ng, fakultet dekani I. To‘raqulova ta’lim-tarbiya jarayonida ota-onalar va universitet hamkorligidagi ishlar yo‘lga qo‘yilganligini ta’kidlab o‘tdi.

Shuningdek, yig‘ilishda kafedra mudiri, professor-o‘qituvchilar va tyutorlar talabalarga universitet rahbariyati tomonidan yaratilgan barcha shart-sharoitlaridan unumli foydalanishlarini tushuntirib o‘tishdi.

Yig‘ilish so‘nggida iqtidorli faol talabalar tomonidan ”Bahor sevinchi” shiori ostida bayram tadbiri bo‘lib o‘tdi.Tadbir barcha ota-onalar uchun juda manzur bo‘ldi.