Avval ma’lum qilganimizdek 8 mart – Xalqaro xotin-qizlar kuni munosabati bilan mukofotlash to‘g‘risidagi, O‘zbekiston Respublikasi Prezidentining Farmoniga ko‘ra: JDPU xotin qizlar masalalari bo‘yicha profilaktik inspektori, Jizzax shahar ichki ishlar boshqarmasining 2-ichki ishlar bo‘limi huquqbuzarliklar profilaktikasi guruhi xotin-qizlar masalalari bo‘yicha katta inspektori Rasulova Gulbahor Obidovna «Sodiq xizmatlari uchun» medali hamda Ichki ishlar vazirligining «Benuqson xizmatlari uchun» ko‘krak nishoni bilan taqdirlangan edi. Bugun ana shu xursandchilikning davomi sifatida universitet kasaba uyushmalari qo‘mitasi tomonidan tayyorlangan sovg‘alarni rektor Sh.Sharipov tantanali tarzda topshirdi.

«Sizning faoliyatingizga berilgan bu yuksak baho bizni nafaqat yangi mehnat zafarlariga ruhlantiradi, balki kelgusida talabalarimiz oldidagi mas’uliyatimizni ham oshiradi. Xizmatlaringizni yuqori baholanishi biz uchun ulkan sharaf, katta xursandchilikdir.-deydi universitet rektori Sh.Sharipov