“Kitobxon talaba” tanlovining navbatdagi bosqichi rasman boshlandi. Ushbu bosqich dekabr oyida talabalarga taqdim etilgan adabiyotlar asosida tashkil etilib, bilim va kitobxonlik saviyasini aniqlashga qaratilgan test jarayonlari orqali o‘tkazilmoqda.

Test sinovlari kunning ikki qismida — soat 10:00 va 14:00 da universitetning Axborot-resurs markazi (ARM) binosida bo‘lib o‘tadi. Mazkur bosqich yakunlariga ko‘ra, har bir fakultetdan eng yuqori ball to‘plagan 6 nafar faol kitobxon talaba tanlovning keyingi — “Zakovat” bosqichiga yo‘llanma oladi.

Eslatib o‘tamiz, “Zakovat” bosqichida g‘olib va sovrindorlar quyidagi pul mukofotlari bilan taqdirlanadi: — 1-o‘rin: 3 000 000 so‘m — 2-o‘rin: 2 400 000 so‘m — 3-o‘rin: 1 800 000 so‘m

Tanlov O‘lmas Umarbekovning “Odam bo‘lish qiyin”, Stiven Richard Kovining “Muvaffaqiyatga erishishning 7 yo‘li”, Lev Tolstoyning “Bolalik” hamda Xudoyberdi To‘xtaboyevning “Mungli ko‘zlar” asarlari asosida tashkil etildi.