Jizzax davlat pedagogika universiteti Kengashining 6-sonli majlisi tantanali taqdirlash marosimi bilan boshlandi.

Marosimda universitet rektori Yuldashev Maksudjan Abdullayevich O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy attestatsiya komissiyasi qarori asosida ilmiy daraja va ilmiy unvonlarga ega bo‘lgan 10 nafar professor-o‘qituvchi va pedagog xodimlarga diplom hamda attestatlarni tantanali ravishda topshirdi.

Tabrik so‘zida rektor bugungi kunda universitetning ilmiy salohiyati 47 foizdan oshganini 2026–2027 o‘quv yiliga kelib ushbu ko‘rsatkichni 65 foizga yetkazish rejalashtirilayotganini ta’kidladi.

Shuningdek, olib borilayotgan tizimli islohotlar natijasida universitetda ijtimoiy muhit tobora yaxshilanib borayotgani, professor-o‘qituvchilar uchun tashkil etilayotgan uzluksiz kasbiy rivojlanish kunlari doirasidagi seminar-treninglar o‘z samarasini berayotganini qayd etdi.