15–16-noyabr kunlari viloyatning barcha tuman va shaharlarida, mahallalar, ko‘chalar, xonadonlar, ziyoratgohlar, qabristonlar, korxona va tashkilotlarda yuqori saviyada  HASHAR o‘tkazish vazifasi belgilangan edi.

Bugungi hasharda Jizzax davlat pedagogika universitetidan 500 nafarga yaqin professor-o‘qituvchilar, xo‘jalik bo‘limi xodimlari va volonter talaba-yoshlar faol ishtirok etishdi.

Ular universitetning bosh binosi atrofidan boshlab, o‘zlariga biriktirilgan hududlarda – jumladan, “Bog‘ishamol” va “Orom” maskanlarida joylashgan fakultetlarda ham xavfsiz va tozalik ishlarini uyushqoqlik bilan amalga oshirdilar.

Hashar davomida atrofni obodonlashtirish, aholiga kulay sharoit yaratish, yashil hududlarni asrash va tartibga keltirish kabi bir qancha ishlar olib borildi.

Ushbu keng ko‘lamli sa’y-harakatlarning asosiy maqsadi obod, toza va sog‘lom muhit yaratish, hamda jamoatchilik o‘rtasida birdamlik va fuqarolik mas’uliyatini yuksaltirishdan iboratdir.