Abdulla Qodiriy nomidagi Jizzax davlat pedagogika universitetining Rus tili va adabiyoti fakulteti dotsenti, A.Zokirov mazkur ishchi guruhga rahbar etib biriktirilgan. Ishchi guruh tomonidan muntazam ravishda viloyatning shahar va tumanlarida toponimik materiallarni to‘plash ishlari olib borilmoqda.
Mazkur ishchi guruh a’zolari joriy yilning 13-14-15-avgust kunlari Forish tumanida joylashgan qishloqlarda toponimik materiallarni to‘plash maqsadida ilmiy-ijodiy safarga chiqishdi.
Guruh a’zolari Forish tumanida joylashgan Bolg‘ali, Oytamg‘ali, Ko‘sa, Narvon, Eshbo‘ldi qishloqlarida toponimik obyektlar bilan yaqindan tanishishdi. Ishchi guruh a’zolariga yoshi ulug‘ oqsoqollar hududdagi muqaddas qadamjolarning tarixi, joy nomlarining kelib chiqishi, urug‘, qabila va to‘p nomlari va ularning mazmun-mohiyati haqida tarixiy va qiziqarli ma’lumotlarni to‘plashda yordam berishdi.
