O‘zbekiston yozuvchilar uyushmasi Jizzax viloyati bo‘limi bilan hamkorlikda tashkil etilgan taqdimot tadbirini universitet Yoshlar masalalari , ma’naviy-ma’rifiy ishlar bo‘yicha birinchi prorektor S.Nazarqosimov ochib berdi.

Unda so‘zga chiqqanlar Xo‘ja Ahmad Yassaviyning asarlari va ijodiga oid chuqur fikrlar bildirib, uning ma’naviy merosining ahamiyatiga to‘xtalib o‘tdilar. Ular, ayniqsa, “Nasabnoma” asarining o‘zbek xalqi va jahon madaniyatidagi o‘rni haqida so‘z yuritdilar. Kundalik hayotdagi oddiy odamlar uchun ham bu asardan bilim va faoliyatga oid muhim saboqlar olish mumkinligini ta’kidladilar.

Shuningdek, adibning insonparvarlik, adolat va tavakkal kabi qimmatlariga alohida urg‘u berildi. Tadbirda qatnashgan yozuvchilar, ilmiy xodimlar va talabalar ushbu asarning tarixiy ahamiyatini yanada chuqurroq o‘rganish va yoshlarga uning qadriyatlarini yetkazish muhimligini ta’kidladilar.

S.Nazarqosimov ham o‘z nutqida, bu kabi tadbirlar yoshlarga milliy va diniy qadriyatlarimizga bo‘lgan hurmatni oshirishga xizmat qilishini ta’kidladi. Universitetda bu kabi ma’naviy-ma’rifiy tadbirlarni tashkil qilish orqali yoshlarning ma’naviy savodxonligini oshirish va ularni xalqimizning boy madaniy merosi bilan tanishtirish muhim ekanligini bildirdi.

Taqdimot tadbiri davomida «Nasabnoma» asarining mazmuni va undagi muhim fikrlar o‘zbek yoshlari uchun namuna bo‘lishi kerakligi haqida qizg‘in muhokamalar o‘tkazildi.