“Yangi O‘zbekiston talabalar olimpiadasi”ning futbol bo‘yicha final uchrashuvida Jizzax davlat pedagogika universiteti jamoasi Qoraqalpoq davlat universiteti ustidan 1:0 hisobida g‘alaba qozonib, musobaqa chempionligini qo‘lga kiritdi.

Uchrashuv davomida jamoamiz har bir to‘p uchun oxirigacha kurashdi. Maydon chetidagi murabbiylar shtabi va tribunalarni to‘ldirgan muxlislarning qo‘llab-quvvatlashi futbolchilarga qo‘shimcha kuch va ishonch bag‘ishladi.

G‘alabadan so‘ng jamoamiz tantanali taqdirlash marosimida munosib e’tirof etildi.

Respublika sport vaziri o‘rinbosari Shahrillo Mahmudov chempionlarni tabriklab, ularning musobaqa davomida namoyon etgan mahorati va matonatini yuqori baholadi.

Universitet rahbariyati, murabbiylar va jamoa a’zolari ishtirok etgan marosimda futbolchilarimiz chempionlik kubogi hamda oltin medallarni qabul qilib oldi va ushbu tarixiy yutuqni universitet jamoasi bilan birgalikda nishonladi.