Jizzax davlat pedagogika universiteti rahbariyati tashabbusi va kasaba uyushmasi qo‘mitasi ko‘magi bilan har hafta shanba-yakshanba kunlari jamoat ishlarida faol ishtirok etayotgan professor-o‘qituvchilar hamda faxriy ustozlarimiz uchun madaniy-sayohat tadbirlari tashkil etilmoqda.

Bu galgi sayohat yo‘nalishi ham o‘zgacha bo‘ldi — tabiatning eng musaffo go‘shasi, “ikkinchi Shveysariya deb nom olgan Zomin tog‘ maskani ustozlarimiz uchun hordiq va ilhom manbai bo‘ldi.

Dam olish jarayonida ishtirokchilar sof havo, tabiat go‘zalligi va samimiy suhbatlar orqali hayotga bo‘lgan ishtiyoqni yanada oshirishdi. Ustozlarning quvnoq chehralari, tabassumlari va suratlardagi iliq manzaralar sayohatning naqadar mazmunli o‘tganidan darak berib turibdi.

“Yaxshi dam — mehnatga hamdam” deyishadi. Zomindan yangi quvvat, ijodiy ilhom va motivatsiya bilan qaytgan ustozlarimizdan endi yanada katta yutuq va yangiliklarni kutib qolamiz!

Shu o‘rinda universitet rahbariyati va kasaba uyushma qo‘mitasiga ajoyib tashabbus uchun minnatdorchilik bildiramiz.