Universitetda Yunusova Alfiya Shavkatovnani tanimagan inson kam bo‘lsa kerak. U o‘z mehnat faoliyatini 1978-yilda universitet rektor kotibaligidan boshlagan bo‘lsa, bugungi kunda Jizzax davlat pedagogika universiteti tuzilmasidagi “Qatag‘on qurbonlari xotirasi” muzeyi fond saqlovchisi bo‘lib faoliyat yuritadi. Alfiya Yunusova bugun 65 yoshni munosib tarzda qarshiladi.
Shu munosabat bilan tashkil etilgan taqdirlash marosimida Jizzax davlat pedagogika universiteti rektori Maqsudjan Abdullayevichning tabrigi o‘qib eshittirildi. Samimiy inson, jonkuyar va ko‘p yillik fidoyi mehnati bilan jamoa hurmatiga sazovor bo‘lgan Alfiya Shavkatovna universitet rahbariyati hamda kasaba uyushmasi tomonidan diplom va esdalik sovg‘alari bilan taqdirlandi.
Tadbir davomida jamoadoshlar samimiy tabrik va ezgu tilaklarini bildirdilar.
Jizzax davlat pedagogika universiteti jamoasi nomidan Yunusova Alfiya Shavkatovnaga mustahkam sog‘lik, uzoq umr va baxtli hayot tilaymiz.
