Anjumanning bosh maqsadi Inklyuziv ta’lim tizimini rivojlantirish bo‘yicha o‘zaro tajriba almashish, umumta’lim maktablari va maktabgacha ta’lim tashkilotlari uchun malakali mutaxassislar tayyorlash muammolari va istiqbollari bo‘yicha o‘zaro aloqalarni yanada rivojlantirish, ilmiy va amaliy yutuqlar bilan o‘zaro o‘rtoqlashishdir.Konferensiyada O‘zbekiston Respublikasi Oliy ta’lim muassasalari va ilmiy tadqiqot institutlari olimlari, professor-o‘qituvchilari, mutaxassislari, tadqiqotchilari, magistrant va iqtidorli talabalari tomonidan amalga oshirilayotgan ilmiy-tadqiqot ishlari natijalari muhokama qilindi.
Inklyuziv ta’lim sinflari va boshlang‘ich tayanch korreksion sinflarda o‘quv-ta’lim jarayonini tashkil etishdagi muammolar,Inklyuziv ta’lim jarayonida umumta’lim maktablari va maktabgacha ta’lim tashkilotlari tizimida o‘quv-tarbiya jarayonini tashkil etish texnologiyalarining istiqbollari, pedagog xodimlar, psixologlar faoliyati va ota-onalar bilan hamkorlik masalalariga alohida e’tibor qaratildi.
Anjumanda O‘zbekiston Respublikasi Oliy ta’lim muassasalari va ilmiy tadqiqot institutlari olimlari, professor-o‘qituvchilari, mutaxassislari, tadqiqotchilari, magistrant va iqtidorli talabalari faol ishtirok etdilar.
