Farzandlarimizni fikrsizlik, axloqsizlik, didsizlik, befarqlikdan asraylik.
Jizzax davlat pedagogika universiteti Fizika va texnologik taʼlim fakultetida bo‘lib o‘tgan “Ota-onalar kongressi” ana shu mavzu asosida tashkil etildi.
“Farzandini yuksak qadriyatlarimizning asl va baquvvat ildizlaridan bahramand etish, bugungi turmush tarzimizga mos tarbiya berish, har bir ota-onaning zimmasidagi muhim vazifalaridan biridir. Bugungi tadbirda bildirilgan fikrlar, takliflar aynan mana shu dolzarb mavzu doirasida bo‘lib o‘tdi. Bugun bu yerga taklif etilgan har bir ota-onadan imkon darajasida o‘z farzandlari taqdiriga befarq bo‘lmaslik, ular bilan tez-tez aloqada bo‘lib turish, odob ahloq qoidalariga amal qilishda ko‘makchi bo‘lish so‘raldi. Bilasizmi shunday paytlar bo‘ladiki eng hurmatli ustoz ham o‘z talabasiga tanbeh beraolmaydi. Mana shunday kezlarda ota-onaning yordami juda zarur bo‘ladi. Biz ustozlar ota-onalar bilan doimiy aloqada bo‘lib hamkorlikda ishlasak, albatta ijobiy natijalarga ko‘proq erishamiz”-deydi universitet prorektori S.Nazarqosimov
Tadbirda so‘zga chiqqan huquq tartibot idoralari vakillari talaba yoshlarning ijtimoiy tarmoqlardan noo‘rin foydalanish oqibatida turli xil diniy oqimlarga tushib qolmasligi uchun ham ota-onalar hushyor bo‘lishlari lozimligini taʼkidlashdi. Bu borada kerakli tavsiyalarini ham berib o‘tishdi.
Yig‘inda shuningdek, kiyinish madaniyati, odob-axloq qoidalа rhaqida ham so‘z bordi. Bu borada ota-onalar ham o‘z fikrlarini bildirib o‘tishdi. Taklif va mulohazalar o‘ratada muhokama etildi. Hamkorlik aloqalarin mustahkamlashga kelishib olindi.
