JDPU  “Maktabgacha va boshlang’ich ta’limda xorijiy til” kafedrasi professor-o’qituvchilari taklifiga binoan Birlashgan Arab Amirligidagi Sharjah shahridagi Khorfakkan universiti dotsenti, psixolog Abdelfattah Othman Dimassi tomonidan «Metabilim (metakognissiya) – bilim olish yo’llarini o’rganish» mavzusidagi seminar tashkil etildi. Xorijlik mehmon ishtirokidagi seminarni Makabgacha ta’lim fakulteti dekani U.Jumanazarov ochib berdi.

Ushbu o‘quv seminari negizida talabalar va fakultet professor-o‘qituvchilari uchun mahorat darslari ham bo‘lib o‘tishi beliglangan edi. «Metabilim (metakognissiya) – bilim olish yo’llarini o’rganish» mavzusidagi mahorat darslarida talaba yoshlar va o‘qituvchilar faol ishtirok etishdi.  Metakognisiya – bu o’z fikrlash jarayonlarini anglash va tushunish; muvaffaqiyatli o’rganishning hal qiluvchi omilidir. Tadbir davomida metakognissiya orqali  talabalarning ta’lim natijalarini oshirish va ularning o’rganishlarini nazorat qilish va tartibga solish qobiliyatini yanada yuqori darajaga oshirish bo’yicha mazmunli va o’zaro foydali ma’lumotlar berildi.

Tadbir davomida  JDPU professor-o’qituvchilari xorijlik mehmonga Metakognitiv strategiyalarni o’qitishning ishchi xotira va so’zlarni aniqlashga ta’siri. Metakognitiv strategiyaning  akademik taʼlimga qoʻshgan hissasi mavzzusi yuzasidan savollar bilan murojaat qilishdi. Tadbir so‘ngida  o’zaro manfatli hamkorlik aloqalarini tuzish bo’yicha ham fikr almashinildi.