Aniqlik va halollik sari qadam. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
Korrupsiyaga qarshi kurash
Aniqlik va halollik sari qadam.

Korrupsiyaga qarshi kurash

08/10/2025

Chop etish

Aniqlik va halollik sari qadam.

JDPUda korrupsiyaga qarshi seminar-trening o‘tkazildi.

Jizzax davlat pedagogika universiteti Aniq fanlar fakultetida 1-bosqich talabalari ishtirokida “Korrupsiyaga qarshi ta’lim va yoshlarning imkoniyatlarini kengaytirish global resursi (GRACE)” dasturi doirasida seminar-trening tashkil etildi.

Trening davomida ishtirokchilarga korrupsiya tushunchasi, uning turlari, javobgarlik masalalari, shuningdek, universitet ichki tartib-qoidalarini buzish va fan sillabuslari yoki o‘quv dasturlarini bilmaslik natijasida ayrim akademik korrupsion holatlarning kelib chiqish sabablari haqida batafsil tushunchalar berildi.

Shuningdek, O‘zbekiston Respublikasi Prezidenti Shavkat Mirziyoyevning 2025-yil 5-martdagi tanqidiy-tahliliy ma’ruzasi mazmuni keng yoritilib, undagi asosiy g‘oya — barcha sohalarda halollik, adolat va mas’uliyatni kuchaytirish masalalari muhokama qilindi.

Seminar davomida “Tarbiya” fani doirasida talabalarga halollik, vijdon, birovning haqiga xiyonat qilmaslik, odob va mas’uliyat kabi ezgu qadriyatlar haqida sodda va tushunarli tilda tushuntirishlar berildi.

Bundan tashqari, O‘zbekiston Respublikasi Vazirlar Mahkamasining “Korrupsiyaga oid huquqbuzarlik haqida xabar bergan yoki korrupsiyaga qarshi kurashishga ko‘maklashgan shaxslarni rag‘batlantirish tartibi to‘g‘risidagi Nizomni tasdiqlash haqidagi qarori asosida talabalarga mazkur huquqiy mexanizmlar haqida ham amaliy ma’lumotlar yetkazildi.

Boshqa rubrikalarda mashhur

Barcha Rubrikalar

Jizzaxda “Bir Vatan, bir el, bir bayroq!” shiori ostida bayroq kuni keng nishonlandi.

Jizzax shahrida O‘zbekiston Respublikasi Davlat bayrog‘i qabul qilinganining 34-yilligi munosabati bilan tantanali tadbir o‘tkazildi.

10-Xalqaro Talabalar Simpoziumi ochilishida xorijlik va mahalliy olimlar ishtirok etdi.

“Tadqiqotchilik va kreativ sa’y-harakatlarni qo‘llaymiz” mavzusidagi 10-Xalqaro Talabalar Simpoziumi ochilish qismida qator xorijiy oliy ta’lim muassasalari va yurtimiz universitetlaridan tashrif buyurgan yosh tadqiqotchi-olimlar so‘zga chiqishdi.

Jizzaxda hashar boshlandi: JDPU jamoasi faol ishtirok etmoqda.

15–16-noyabr kunlari viloyatning barcha tuman va shaharlarida, mahallalar, ko‘chalar, xonadonlar, ziyoratgohlar, qabristonlar, korxona va tashkilotlarda yuqori saviyada HASHAR o‘tkazish vazifasi belgilangan edi.