Universitet talaba-yoshlari tarbiyasi bilan tizimli va samarali ishlash, ularning harbiy-vatanparvarlik ruhini yuksaltirish hamda jismonan sog‘lom va ma’nan yetuk avlodni shakllantirish maqsadida 2025-yil 7-aprel kuni “Amir Temur vorislari” harbiy-sport spartakiadasi musobaqasining birinchi bosqichi bo‘lib o‘tdi. Mazkur musobaqada universitetda tahsil olayotgan talaba-yoshlar faol ishtirok etishdi.

Ayni vaqtda mamlakatimizdagi barcha oliy ta’lim muassasalarida mazkur spartakiada bosqichma-bosqich o‘tkazilmoqda. Spartakiadani o‘tkazishdan asosiy maqsad — talaba-yoshlarni yurtga sadoqat, Vatanga muhabbat va Prezident shaxsiga hurmat ruhida tarbiyalash, sog‘lom turmush tarzini targ‘ib etish, shuningdek, harbiy-texnik va amaliy sport turlarini keng ommalashtirishdan iboratdir.

🏆 Musobaqa quyidagi ikki shart asosida tashkil etildi:

1️⃣ O‘quv granatasini uzoqlikka uloqtirish;

2️⃣ Turnikda tortilish. Musobaqa jarayoni hakamlar hay’ati tomonidan adolatli baholab borildi. Tadbir yakunida ishtirokchilarga alohida rag‘bat va e’tibor ko‘rsatildi.