1-Oktyabr “O‘qituvchi va murabbiylar” kuni munosabati bilan
“ Ustozlar suhbatin qo‘msar bu ko‘ngil… “ ruknining navbatdagi sonida Chet tillar fakulteti dotsenti Abdujabbor Boymatov o‘z fikrlari bilan qatnashadi
O‘qituvchilik…
O‘qituvchi qanday inson?…Aslida u qanday bo‘lishi kerak ?
O‘qituvchi –tegishli ma’lumoti, kasb tayyorgarligi bor va yuksak ahloqiy fazilatlarga ega bo‘lgan, ta’lim va tarbiya jarayoniga rahbarlik qiladigan pedagog –mutaxassisdir. Bu sharafli kasb egasi bilimli ma’naviyati yetuk, ulkan qalb egasi bo‘lmog‘i darkor. Zero, o‘qituvchilik bog‘bonlik kasbiga o‘xshatiladi. Bog‘bon daraxt hosilini yillab kutganidek, o‘qituvchi ham ta’lim ta’lim-tarbiya ” mevasini ” kelajakda ko‘radi. Bu” mevalar ”-ularning shogirdlaridir.
Kasbingizdan topganlaringiz…
Men 1975-1976 o‘quv yiilidan buyon Jizzax davlat pedagogika institutida nemis tili fani o‘qituvchisi sifatida faoliyat ko‘rsatib kelmoqdaman. Ana shu o‘qituvchilik qilish mobaynida shogirdlar hurmatiga , jamoa ehtiromiga , farzandlarim mehr-muhabbatiga sazovar bo‘ldim. Talabalarga ta’lim tarbiya berish bilan birga ilmiy ishlar bilan shug‘ullanib 1996 yilda “Sistema Prezentatsii tyurksizmov v tolkovqx nemeskix slovaryax XIX-XX vekov ” mavzusidagi dissertatsiyani muvaffaqiyatli himoya qilib, filologiya fanlari nomzodi ilmiy darajasiga ega bo‘ldim. Kamtarona mehnatim qadrlanib, 2018 yili “ Halq ta’limi a’lochisi ” medaliga sazovor bo‘ldim. Ayni kunlarda Tabiiy fanlararo chet tillar kafedrasini boshqarib kelmoqdaman. Bular mashaqqatli lekin sharafli kasbimdan topgan yutuqlarimdir.
Ustozlaringiz haqida ikki og‘iz so‘z…
Ustozlarim …Ularning barchasini ko‘zimda yosh, qalbimda mehr, tilimda bol bilan xotirlayman. Mening yutuqlarim sababchilari, Avvalo, maktabda va oliygohlarda tahsil bergan ustozlarimdir. Goh mehribonlik, goh qattiqqo‘llik bilan men va tengdoshlarimga ta’lim tarbiya berishdi. Ustozlarim yo‘lining davomchisi bo‘lganligim menda faxr tuyg‘usini uyg‘otadi.
Bugun o‘qituvchilar qanday maqomda?…
Bugun o‘qituvchilik kasbi yuksak maqomda. Bu kasbning mashaqqatini , qiyinchiligini va albatta , jamiyatda o‘ziga xos o‘rin egallaganligini yurtboshimizning o‘qituvchi va murabbiylarga ko‘rsatayotgan hurmat va ehtiromida ko‘rishimiz mumkin. O‘qituvchilarga g‘amxo‘rlik qilish, ularning mehnat haqqini oshirish, turli imtiyozlarning joriy etilishi-bularning barchasi bu kasbning qadr topayotganidan dalolatdir. Ulug‘ shoir A. Jomiy aytganitdek
Jaxonda bo‘lmasa muallim agar,
Hayot ham bo‘lmasdi go‘zal bu qadar
Jizax davlat pedagogika institutidagi yutuq va kamchiliklar …
Jiizzax davlat pedagogika instituti viloyatimiz va respublikamizda pedagog kadrlarni yetkazib beruvchi oliy o‘quv yurtlaridan biridir. So‘nggi yillarda oliygohimiz pedagoglardan deyarli 30 nafari fan doktori , 4 nafari falsafa fanlari doktori ilmiy daraja, professor va dotsent unvon sohiblari bo‘lishdi. Bundan tashqari bir qator o‘qituvchilar “El yurt umidi” jamg‘armasi tomonidan xorijiy davlatlarda malaka oshirib qaytishdi. Talabalarimizdan ham Navoiy, Beruniy, Zulfiya nomli davlat mukofotlariga sazovor bo‘lgan o‘g‘il –qizlarimiz bor. Bu kabi yutuqlarni ko‘plab keltirish mumkin. Eng asosiysi pedagog va talabalarimiz izlanishda davom etmoqda. Institutimizda o‘quv jarayoni va ilmiy sohada olib borilayotgan ishlarning ko‘lami juda kengayib bormoqda .
Bayram tilaklaringiz…
“Ustoz va murabbiylar kuni” bilan barcha zahmatkash, jonkuyar kasbdoshlarimizni chin qalbimdan tabriklayman. Sharafli va mashaqqatli kasb egalari o‘z oldilariga nimaniki maqsad qilgan bo‘lsalar, unga erishsinlar. Bayram muborak, aziz, kasbiga sadoqatli ustozlar!
Jizzax davlat pedagogika instituti axborot xizmati
