Jizzax davlat pedagogika universitetining Tarix fakulteti Sh. Rashidov tumani Pastki So’loqli MFY da joylashgan. Fakultetda jami 73 ta professor-o’qituvchi faoliyat ko’rsatadi. Ushbu fakultetdagi jami talabalar soni esa 724 nafardir.

Dars mashg’ulotlari 2 smenada, 1-smenada 1-3 kurs va 2-smenada 2-4- kurs talabalariga dars mashg’ulotlari olib borilmoqda. Bino joriy ta’mirdan chiqarilib, sharoitlar ancha yaxshilandi. O’quv auditoriyalaridan 2-qavatda 201, 203, 213, 214-auditoriyalarda 4 ta videoproyektorlar, 201, 204 va 214-xonalarda smart televizorlar, 1 ta 201-ma’ruza zaliga elektron doska, shuningdek 202, 203, 215, 216-xonalarda kichik televizor, 1-2-qavatga wifi qurilmalari o’rnatilgan. 1 ta kompyuter sinfi (205-xona) va 1 ta kutubxona mavjud. Kafedrada dunyoning top 500-o’rinni egallagan NGU (Rossiya) bilan 2021-yil 1-martdagi № 11-sonli shartnomasi asosida hamkorlik ishlari yo’lga qo’yilgan.

Talabalar uchun bugungi kunda ilm-fan yo’nalishida “Iqtidor”, “Yosh olima”, “Huquqshunos” to’garaklari, shuningdek, sport yo’nalishida kafedralardan biriktirilgan ustozlar rahbarligida shaxmat-shashka, stol tennis to’garaklari tashkil etilgan. 2022-yil fakultetimizning 3-bosqich talabasi Kavulov Jo’rabek “Alisher Navoiy” nomidagi davlat stipendiyasini qo’lga kiritdi.