Ta’lim yo’nalishlari va mutaxassisliklari: Pedagogika va psixologiya ta’lim yo’nalishi, Pedagogika nazariyasi va tarixi (Faoliyat turlari bo’yicha) va Pedagogika–psixologiya magistratura mutaxassisligi

Kafedra mutaxassislik fanlari: Pedagogika nazariyasi va tarixi, konfliktologiya, Ijtimoiy pedagogika, oila pedagogikasi, Pedagogik mahorat, Pedagogik texnologiya, Qiyosiy pedagogika, Pedagogika va psixologiya fanlarini o’qitish metodikasi. Magistratura mutaxassisligi uchun Andragogika asoslari, Pedagogikaning konseptual asoslari, Inovatsion –pedagogik faoliyatni tashkil etish texnologiyasi, Pedagogik fikrlar taraqqiyoti, Gender pedagogikasi asoslari, Pedagogik tadqiqotlarda statistik metodlar, Mutaxassislik fanlarini o’qitish metodikasi, Tarbiyaviy faoliyatni tashkil etish texnologiyasi, Pedagogik deantologiya va kompetentlik.

Pedagogika ta’limi nazariyasi kafedrasi tarixi: “Pedagogika ta’limi nazariyasi” kafedrasi Jizzax Davlat pedagogika universiteti Pedagogika va psixologiya fakultetidagi mutaxassislik kafedralardan biri hisoblanadi. “Pedagogika ta’limi nazariyasi” kafedrasi “Pedagogika-psixologiya” (2014-2020 yillarda, kafedra mudiri I.To’raqulova) faoliyat yuritgan. Kafedra 2020 yilda “Pedagogika ta’limi nazariyasi” nomi bilan yangi tashkil qilindi. Kafedrani bugungi kunda Pedagogika fanlari bo’yicha falsafa doktori, dotsent Raxmatova Feruza Abulqosimovna boshqarib kelmoqda. Kafedrada 5110900 – Pedagogika va psixalogiya, 60110100– Pedagogika va psixologiya (qo’shimcha tarbiya fani o’qituvchisi) ta’lim yo’nalishlarida bakalavr, 70110101-Pedagogika nazariyasi va tarixi (Faoliyat turlari bo’yicha) va 70110102-Pedagogika–psixologiya mutaxassisliklaridan magistrlar tayyorlanadi. Hozirgi kunda kafedrada jami 14 nafar professor-o’qituvchi faoliyat yuritadi. Shundan 3 nafar professor-o’qituvchi ilmiy darajaga ega. Ilmiy salohiyat ko’rsatkichi 20 % ni tashkil etadi. Jumladan, 2 nafar pedagogika fanlari bo’yicha falsafa doktori (PhD) (F.Raxmatova, Sh.Abduraimov), 1 nafar p.f.n,dotsent (I.To’raqulova), 4 nafar katta o’qituvchi (A.Qayumov, N.Abduqodirova, Sh.Berdiyorova, L.To’raqulov) va 7 nafar o’qituvchilar (Sh.Zarmasov, N.Xamroyeva, U. Uktamova, F.Maxamatova, G.Davurova, D.Rasulova, U.Toshnazarova) faoliyat yuritishmoqda.

Pedagogika ta’limi nazariyasi kafedrasi hamkorlik faoliyati:M.Avezov nomidagi Qozog’iston Universiteti va Petr Velikiy nomli Sankt-Peterburg politexnika universiteti kabi xorijiy OTMlar bilan xamkorlik aloqalarini qo’lga qo’yilgan. Ayni paytda yuqoridagi universitetlar bilan hamkorlik shartnomalari imzolangan bo’lib, o’quv va ilmiy-uslubiy yo’nalishlarda hamkorlik chora-tadbirlari ishlab chiqilgan. 2021-yil noyabr-dekabr oylarida Onlayn ma’ruzalar tashkil qilingan (M.Avezov nomidagi Qozog’iston Universiteti: Pedagogika tarixi fakulteti “Maktabgacha va boshlang’ich ta’lim metodikasi” kafedrasi katta o’qituvchisi Esim Uljalg’as Esim qizi; Petr Velikiy nomli Sankt-Peterburg politexnika universiteti katta o’qituvchisi Burmistrova Tatyana Aleksandrovna).