“Tilni o‘qitish va o‘rganishda XXI asr ko‘nikmalari – II Xalqaro anjuman” – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
“Tilni o‘qitish va o‘rganishda XXI asr ko‘nikmalari – II Xalqaro anjuman”

Yangiliklar

10/04/2021

Chop etish

“Tilni o‘qitish va o‘rganishda XXI asr ko‘nikmalari – II Xalqaro anjuman”

Jizzax davlat pedagogika institutida 2021 yil 9 Aprel kuni Chet tillar fakulteti Ingliz tili amaliy kursi kafedrasi tomonidan “Tilni o‘qitish va o‘rganishda XXI asr ko‘nikmalari” mavzusida II xalqaro miqyosida ilmiy-amaliy anjuman bo‘lib o‘tdi. Konferensiyada Amerika Qo‘shma Shtatlaridan, Buyuk Britaniyadan va Respublikamizdagi oliy ta’lim muassasalaridan jumladan, O`zbekiston Milliy Universiteti, Webster universiteti, O`zbekiston davlat Jahon tillari universiteti, Samarqand davlat chet tilllari institutidan sohaning yetuk olimlari, professorlar, pedagog-o‘qituvchilar, doktorantlar, magistrlar ishtirok etishdi.

Konferensiya ishini Jizzax davlat pedagogika instituti rektori pedagogika fanlari doktori, professor Sharipov Shavkat Safarovich ochib berdi. Sh.S.Sharipov o`z nutqida har bir tilning millat taraqqiyotida tutgan o`rni, o`zbek tilining huquqiy maqomi, chet tillarini chuqur oʼrganish oʼquvchi-yoshlarning zamonaviy bilimga ega boʼlishi va professional koʼnikmalarni egallashining asosiy omili va sharti ekanligi, Jizzax davlat pedagogika institutining xalqaro hamkorlik aloqalari, kelgusidagi rejalar va istiqbollar haqida to`xtalib o`tdi.

Shundan so‘ng mavzu yuzasidan Jizzax davlat pedagogika instituti Chet tillar fakulteti dekani f.f.d. professor Abdugafur Mamatov Eshonqulovich, O`zbekiston Milliy universiteti professori f.f.d. Jumaboeva Jamila Sharipovna, O`zDJTU dotsenti f.f.n. Umarova Mahliyo, Buyuk Britaniya Portsmud Universiteti professori Dr. Lin Zheng, Buyuk Britaniya Lester Universiteti professori Dr. Jeff Stanford, Amerika qo‘shma shtatlari Filadelfiya shahridagi Pensilvaniya Universitetida faoilyat olib borayotgan Fullbright dasturi g`olibi Shuhrat Eshonqulov, Webster Universiteti MA EDIN dasturi koordinatori Rohatoy Boltaeva, Britaniya Kengashi EMI loyihasi koordinatorlari Ogay Mukaddas, Maksudova Hilola va Abdullayev Davronlar ma’ruza qildilar.

Konferensiya ishi 4 sho‘bada ko‘rib chiqildi:

Tilshunoslik, adabiyotshunoslik va madaniyatlararo muloqot masalalari
XXI asrda chet tilini o‘qitish metodikasi
Tilni o‘qitish va o‘rganishda XXI asr ko‘nikmalari
Chet tilini o‘rganishning pedagogik va psixologik asoslari

Konferensiya so‘nggida taqdim etilgan materiallar asosida XXI asrda tilni o‘qitish va o‘rganishning ko‘nikmalari, metodlari va psixologik asoslarini o‘rganish asosida yo‘l xaritasi ishlab chiqish va bosqichma-bosqich amalga oshirish yuzasidan takliflar bildirildi.

Boshqa rubrikalarda mashhur

Barcha Rubrikalar

Jizzaxda “Talabalar teatr studiyalari” festivalining 3-mintaqaviy bosqichi bo‘lib o‘tdi.

Joriy yilning 17-dekabr kuni Jizzax musiqali drama teatrida “Talabalar teatr studiyalari” festivalining 3-mintaqaviy bosqichi tantanali ravishda boshlandi.

Universitetda kafedralar o‘rtasida tajriba almashinuvi yo‘lga qo‘yildi.

Ta’lim sifatini oshirish, sun’iy intellektni ta’lim jarayoniga qo‘llash hamda professor-o‘qituvchilarning kasbiy salohiyatini yanada rivojlantirish maqsadida universitetda kafedralar o‘rtasida samarali tajriba almashinuv tizimi yo‘lga qo‘yildi.