O‘zbekiston Respublikasi Vazirlar Mahkamasinig 2017 yil 18-iyuldagi “O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish Davlat inspeksiyasi faoliyatini tashkil etish to‘g‘risida”gi 515-sonli qarorining ijrosin ta’minlash maqsadida institutda Ta’lim sifatini nazorat qilish bo‘limi tashkil etilib, bo‘lim Nizomi, xodimlarining lavozim yo‘riqnomalari, ish rejasi namunaviy hujjatlar asosida ishlab chiqildi, Vazirlar Mahkamasi huzuridagi Ta’lim sifatini nazorat qilish davlat inspeksiyasi bilan kelishildi va institut Ilmiy Kengashida tasdiqlandi.
Birinchi chorak mobaynida O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish Davlat inspeksiyasidan, attestatsiya va akkreditatsiya bosh boshqarmasidan 19 ta xat kelgan. Jumladan, yanvar oyida 6 ta, fevral oyida 4 ta, mart oyida 9 ta. Barcha xatlarga berilgan muddat ichida javob xatlari qaytarilgan. Bo‘lim xodimlari o‘z lavozim vazifalariga munosabati yaxshi.
Institut rasmiy (www.jdpu.uz) veb–saytida Ta’lim sifatini nazorat qilish bo‘limi sahifasi belgilangan tartibda ochildi va uning faoliyati yo‘lga qo‘yildi. Bundan tashqari sayt tarkibida bo‘lim boshlig‘ining elektron pochtasi (e-mail furqat26@mail.ru, akhmedov12@rambler.ru) orqali shikoyatlar qabul qilish ham yo‘lga qo‘yilgan.
Institut rasmiy (www.jdpu.uz) veb–saytida Ta’lim sifatini nazorat qilish bo‘limi sahifasi belgilangan tartibda ochildi va uning faoliyati yo‘lga qo‘yildi. Bundan tashqari sayt tarkibida bo‘lim boshlig‘ining elektron pochtasi (e-mail: furqat26@mail.ru, akhmedov12@rambler.ru) orqali shikoyatlar qabul qilish ham yo‘lga qo‘yilgan.
www.jdpu.uz saytida JDPI ta’lim sifatini nazorat qilish bo‘limi rukni holati
www.jdpu.uz saytida JDPI rektori va TSNQB virtual qabulxonasi va interaktiv xizmatlar bo‘limi
www.jdpu.uz saytidagi virtual qabulxonasiga taklif, mulohaza va shikoyatlar berishda professor-o‘qituvchilar, talabalar va fuqarolardan kelgan xatlarning ishonchliligini ta’minlash maqsadida ro‘yxatdan o‘tish rejimi
www.jdpu.uz sayti tarkibida ta’lim sifati samaradorligini oshirish maqsadida fikr, mulohaza va takliflar uchun @jspibot kanali ochildi
www.jdpu.uz sayti tarkibida ta’lim sifati samaradorligini oshirish maqsadida elektron kutubxona o‘z faoliyatini boshladi
www.jdpu.uz sayti tarkibida ta’lim sifati samaradorligini oshirish maqsadida elektron kutubxonasiga kirish va axborotlardan foydalanish
www.jdpu.uz sayti tarkibida ta’lim sifati samaradorligini oshirish maqsadida huquqiy axborotlardan foydalanish kanali ishga tushirildi
www.jdpu.uz sayti tarkibida ta’lim sifati samaradorligini oshirish maqsadida fikr, mulohaza va takliflar uchun @jspibot yangiliklar kanali ochildi
Bo‘lim faoliyati uchun zarur bo‘lgan me’yoriy-huquqiy hujjatlar nomenklaturasini shakllantirildi va www.lex.uz saytidan o‘zbek va rus tillardagi (*.doc, *.pdf formatlarda) hujjatlar yuklab olindi, ularning mazmunini o‘rganish va bo‘limda ish yuritilishini tashkil etildi.
Tajribali mutaxassislarni jalb etgan holda institut, fakultetlar, kafedralar va tegishli bo‘limlarning ish rejalarini tahliliy o‘rganish va ularning mazmunidan kelib chiqib, ta’lim sifatini oshirishga qaratilgan masalalarni kiritish bo‘yicha takliflar yig‘ib oldik, tegishli o‘zgartirish va qo‘shimchalar kiritilgan va tasdiqlangan ish rejalarining bajarilishini nazorat qilish yo‘lga qo‘yildi.
Ta’lim muassasalarini attestatsiya va akkreditatsiyadan o‘tkazishga oid me’yoriy-huquqiy hujjatlarni ichki ekspertlarni jalb qilgan holda chuqur o‘rganilmoqda. Bugungi kun talablardan kelib chiqqan holda ularni takomillashtirish yuzasidan takliflar tayyorlash va o‘rnatilgan tartibda Davlat inspeksiyasiga taqdim etish maqsadida 2018 yil 15-yanvardan 19-yanvargacha G‘allaorol va Baxmal tumanidagi kasb-hunar kollejlari (namunali, o‘rtacha, quyi darajadagi), maktab (namunali, o‘rtacha, quyi darajadagi) va maktabgacha ta’lim muassasalari (namunali, o‘rtacha, quyi darajadagi) savolnoma asosida o‘rganildi. O‘rganish natijalari kunlik ma’lumot asosida O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi Ta’lim muassasalari attestatsiyasi va davlat akkreditatsiyasi bosh boshqarmasi boshlig‘i A.A.Adilovga topshirib borildi
Ta’lim sifatini nazorat qilish bo‘limi xodimlari O‘zbek tili va adabiyoti fakulteti tarkibidagi kafedralar o‘rganildi. Natijalarga ko‘ra quyidagilar aniqlandi:
O‘zbek tili va adabiyoti fakultetida jami 17 ta o‘quv auditoriyalari bo‘lib, shundan 5 ta ma’ruza xonasi, qolgan 12 ta auditoriya amaliy mashg‘ulot xonalari bo‘lib, 1 ta 13 jamlanmali kompyuter sinfi (kompyuterlar ma’nan eskirgan, 5 tasi ishchi holatda 8 tasi ishchi holatda emas). Fakultet 6 ta proektor bilan ta’minlangan, barchasi ishchi holatda.
O‘zbek tili va adabiyoti fakultetida laboratoriya xonalari mavjud emas.
O‘zbek tili va adabiyoti fakultet bo‘yicha talabalar soni 501 nafar. 2017-2018 o‘quv yili 1-yarim yillik o‘zlashtirish 85% ni va sifat ko‘rsatkichi 52% ni tashkil qiladi. DTS namunaviy va ishchi o‘quv rejalar asosida o‘quv jarayoni olib borilyapti. Tasdiqlangan o‘quv jarayoni grafigi asosida darslar, JN va ON baholashlar o‘tkazilgan. Yakuniy nazoratlar ham institut rektorining buyrug‘iga mos tartibda o‘tkazilib, fanlardan qaydnomalar to‘liq rasmiylashtirilgan. Fakultetda bitiruvchi kurs talabalar bilan tuzilgan uch tomonlama shartnomalar bajarilish ahvoli 89%ni tashkil qiladi. Fakultet bo‘yicha davomat 98%ni tashkil qiladi.
Institut tarkibidagi qolgan barcha kafedralardan tegishli jadvallar asosida shakllangan ma’lumotlar ta’lim sifatini nazorat qilish bo‘limiga to‘plangan. 2017-2018 o‘quv yili ikkinchi yarim yilligida muntazam berilgan ma’lumotlari qanchalik haqiqatga yaqinligi yuzasidan o‘rganilib boriladi va aniqlangan kamchiliklarni bartaraf qilish uchun tegishli takliflar berib boriladi.
Jizzax davlat pedagogika instituti 9,5 ga umumiy yer maydonidan iborat bo‘lib, bosh o‘quv binosi 5 qavatli 3692 o‘rinli 15075 m2, 3-sonli o‘quv binosi 2 qavatli 240 o‘rinli 1704 m2, jismoniy madaniyat fakulteti binosi 3 qavatli 360 o‘rinli 3400 m2, madaniyat saroyi binosi 2 qavatli 280 o‘rinli 2470 m2, axborot resurs markazi 2 qavatli 2351 m2, mehnat ta’limi o‘quv binosi 2 qavatli 240 o‘rinli 752 m2, ustaxona 1 qavatli 175 o‘rinli 672 m2, mehnat ta’limi ma’ruzalar binosi 1 qavatli 250 o‘rinli 301 m2, talabalar turar joyi binosi 4 qavatli 400 o‘rinli 4004 m2, talabalar turar joyi binosi 2 qavatli 80 o‘rinli 848 m2 dan iborat.
Institutdagi barcha binolarda yong‘in xavfsizligi burchaklari tashkil qilingan. Yong‘in xavfsizligini oldini olishi inventarlari, yong‘in xavfsizligi shitlari bilan jihozlangan. Har bir qavatlar o‘t o‘chirish vositalari bilan ta’minlangan.
2017 yilda 400 o‘rinli talabalar turar joyi binosi to‘liq rekonstruksiya qilingan. Talabalar uchun barcha sharoitlar yaratilgan. Xususan har bir qavatda oshxona va sanuzel xonalari zamonaviy uskunalar bilan jihozlangan. Madaniy hordiq olishlari uchun televizorlar o‘rnatilgan hamda kutubxona tashkil qilingan. Mehnat ta’limi binolari va 80 o‘rinli talabalar turar joyi binosining fasad qismlari joriy ta’mirlashdan chiqarilgan. Institut hududida obodonlashtirish va ko‘kalamzorlashtirish ishlari olib borilgan, yerlarni yumshatilgan gul va daraxtlarga shakl berilgan, bardyurlar oqlangan shu bilan birga 7000 ga yaqin 1 yillik gullar o‘tqazilgan. Talabalar turar joyi hududida talabalar maroqli dam olishlari uchun to‘rtta statsionar soyabon (besedka) o‘rnatilgan.
Umumiy o‘quv auditoriyalari (sinflar) – 9763 m2 , 1-nafar talaba uchun maydon – 1,35m2, me’yor talabi – 2,2-2,8, ta’minlanganlik 61,4% hisobida. O‘quv texnik vositalar bilan jihozlangan o‘quv auditoriyalari – 672 m2, 1 nafar talaba uchun maydon – 2,48, me’yor talabi–2,0, ta’minlanganlik 124% hisobida. Umumnazariy va umumta’lim laboratoriya xonalari – 347 m2, 1-nafar talaba uchun maydon – 0,35 m2, me’yor talabi – 4 m2, ta’minlanganlik 8,75% hisobida. Komp’yuter zallari (sinflari) – 1248 m2, 1 nafar talaba uchun maydon – 2,66 m2 , me’yor talabi – 6 m2 ta’minlanganlik – 44,3% hisobida. Chet tili darslari uchun lingafon kabinetlari – 288 m2, 1 nafar talaba uchun maydon – 0,4 m2, me’yor talabi – 2,4 m2 ta’minlanganlik – 17% hisobida. Kurs loyihasi va malakaviy bitiruv ishlari bajarish zallari – 721 m2, 1 nafar talaba uchun maydon – 0,42 m2, me’yor talabi – 3,6 m2, ta’minlanganlik – 11,7% hisobida. Rektorat, o‘quv bo‘limi, kafedra va h.k. joylar – 2906 m2, 1 nafar talaba uchun maydon – 0,4 m2, me’yor talabi – 0,5 m2, ta’minlanganlik – 80% hisobida. ARM (kutubxona) – 3579 m2, 1 nafar talaba uchun maydon – 0,49 m2, me’yor talabi – 0,8-1,3 m2, ta’minlanganlik – 61% hisobida. Sport zallari va maydonlari – 4330 m2, 1 nafar talaba uchun maydon – 0,59 m2, me’yor talabi – 1 m2, ta’minlanganlik – 59% hisobida. Majlislar zallari – 983,74 m2, 1 nafar talaba uchun maydon – 0,14 m2, me’yor talabi – 0,3 m2, ta’minlanganlik – 46,7% hisobida. Ovqatlanish joylari (oshxona, bufet va h.k.) 300 o‘rinli – 500 m2, 1 nafar talaba uchun maydon – 1,7 m2, me’yor talabi – 2,3 m2, ta’minlanganlik – 74% hisobida. Tibbiy xizmat ko‘rsatish joylari – 41,74 m2, 1 nafar talaba uchun maydon – 0,006 m2, me’yor talabi – 2,3 m2, ta’minlanganlik – 0,26% hisobida. Talabalar turar joyi (yashash joyi) 480 o‘rinli – 4852 m2, 1 nafar talaba uchun maydon – 2,7 m2, me’yor talabi – 8 m2, ta’minlanganlik – 33,75 % hisobida.
Jami 1800 nafardan ziyod talabalar uchun talabalar turar joyiga ehtiyoj mavjud bo‘lib, shundan 480 nafari talabalar turar joyi bilan ta’minlangan. Qolgan 1320 dan ziyod talaba uchun yangi talabalar turar joyi binosi barpo etish maqsadga muvofiq.
Jismoniy madaniyat fakulteti binosida 2 ta sport zallari mavjud bo‘lib, talabalarning sport bilan shug‘ullanishlari uchun barcha sport jihozlari bilan ta’minlangan. Institut hududida tashqi sport maydonlari, ya’ni tabiiy maysali futbol maydoni (90x45m), voleybol maydoni (18x9m), basketbol maydoni (28x15m), gandbol maydoni (40x20m), 2 ta gimnastika maydonchalari (20x10m) ham mavjud. Bundan tashqari institut hududida suzish havzasi mavjud bo‘lib, 25×9 metrli yozgi basseyn, kiyinish xonalari va dush xonalariga ega.
Institutda 604 ta kompyuter, shundan o‘quv jarayonida 449 ta, 138 ta printer (shundan MFU 3×1 – 30 ta), 7 ta skaner, 9 ta Wi-fi qurilmalari, 2 ta serverlar, 45 ta videoproektorlar mavjud, tarmoq qurilmalari 35 ta, UPS qurilmalari 111 ta (Har 100 talabaga 8,5 ta kompyuter to‘g‘ri keladi).
Institut asosiy binosidagi barcha bo‘limlar, kafedralar, dekanatlar, o‘quv auditoriyalari (kompyuter sinflari) yagona lokal tarmoqqa birlashtirilgan, institut lokal kompyuter tarmog‘ida hozirgi vaqtda 504 ta kompyuter ulangan. Shuningdek institut bosh binosi hududida mavjud Wi-Fi – simsiz aloqa vositalari 9 taga yetkazildi.
Institutning yagona lokal kompyuter tarmog‘idan optik tolali aloqa kanallari orqali internet global tarmog‘iga ulanish imkoniyati yo‘lga qo‘yilgan. Internetga ulanish tezligi MinVuz-1 va MinVuz-2 ta’rif rejasiga ko‘ra internetga 10 Mbit/s va Tas-IX ga 50 Mbit/s yo‘lga qo‘yilgan, hamda institutning axborot resurs markaziga alohida 4 Mbit/s va 30 Mbit/s tezlikka ega internet liniyasidan foydalanish yo‘lga qo‘yilgan. (2017 yil dekabr oyi holatiga ko‘ra internet tezligi Tas-IX 6144 Kbit/s 12 Mbit/s, ARM binosida 2 Mbit/s tashkil etgan).
Institutda internetdan xavfsiz foydalanish uchun yo‘lga qo‘yilgan Kerio Control tizimidan ro‘yxatdan o‘tkazilgan barcha foydalanuvchilar lokal tarmoqdagi 504 ta kompyuterlar va 9 ta Wi-Fi – simsiz aloqa vositalari orqali o‘zlarining shaxsiy (Noutbuk, Netbuk, mobil qurilmalari) qurilmalaridan internetga ulanish imkoniyatiga ega.
Axborot-resurs markazida O‘zbekiston Respublikasi Prezidentining “2011-2015 yillarda axborot-kommunikatsiya texnologiyalari asosida axborot-kutubxona va axborot-resurs xizmatlarini yanada sifatli rivojlantirish chora–tadbirlari to‘g‘risida”gi PQ-1487-sonli qarorining ijrosini ta’minlash borasida bir qancha ishlar amalga oshirildi. Ayni paytda institut axborot-resurs markazida jami 83 ta (tuman tarmoqlari bilan birga) kompyuter, 2 ta printer, 3 dona skaner, 4 dona (3/1) skaner, 1 ta “Artel” rusumli televizor, 1 ta videoproektor, 3 dona magnit doskasi, 7 dona isitish-sovitish moslamasi mavjud.
Institut professor-o‘qituvchilari tomonidan yaratilgan darslik va o‘quv qo‘llanmalarni targ‘ib qilish maqsadida axborot-resurs markazining Ijtimoiy fanlarga ixtisoslashgan o‘quv zalida “Institut professor-o‘qituvchilarining ijodiy faoliyati” mavzusida adabiyotlar ko‘rgazmasi tashkil etilgan. Elektron darsliklar bo‘limida mazkur adabiyotlarning elektron versiyalari yaratilib, kompyuterlar xotirasiga joylashtirilgan.
Axborot-resurs markazida ta’limning uzviyligini ta’minlash borasida viloyatdagi kasb-hunar kollejlari va Akademik litseylar shuningdek, viloyat O‘MOQT hududiy markazi bilan ham hamkorlik ishlari yo‘lga qo‘yilgan. Mazkur ta’lim muassasalarining professor-o‘qituvchilari hamda ularda tahsil oladigan o‘quvchi-yoshlarning ARM xizmatlaridan erkin foydalanishlari va ishlab chiqarish amaliyotlarini o‘tashlari uchun yetarlicha sharoitlar mavjud.
ARM fondiga olingan yangi adabiyotlar to‘g‘risida barcha kafedralarga xabarnomalar o‘z vaqtida yetkazib beriladi. Shuningdek, ARMning o‘quv zallarida “Yangi adabiyotlar sizlar uchun” nomli adabiyotlar ko‘rgazmasi tashkil etilgan bo‘lib, kitobxonlarga qisqacha og‘zaki sharhlar berilishi yo‘lga qo‘yilgan. Bundan tashqari, yangi adabiyotlar targ‘iboti bo‘yicha To‘lqin Alimardonovning “O‘chmas sharaf” monografiyasi yuzasidan kitob taqdimoti, “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha harakatlar strategiyasi”ning mazmun-mohiyatini keng targ‘ib qilish yuzasidan munozara-debat shaklida tadbir, Amerika elchixonasi tomonidan sovg‘a qilingan xorijiy adabiyotlar taqdimoti yuzasidan targ‘ibot tadbiri o‘tkazildi.
2017-2018 o‘quv yilida kafedralarda institut rektori tomonidan tasdiqlangan ishchi o‘quv rejada ko‘zda tutilgan fanlardan kursma-kurs semestrlarda ko‘rsatilgan fanlardan ochiq darslar jadvali tuzilib, kafedra mudiri, fakultet dekani tomonidan tasdiqlangan bo‘ladi. Bir nusxada o‘quv-uslubiy boshqarmaga ham taqdim etiladi. Ochiq dars jadvalida fan, mavzu nomi, mashg‘ulot turi, yo‘nalish nomi kursi hamda taklif etiladigan tashqi ekspert guruhlari ham ko‘rsatiladi. Ochiq darsga o‘quv-uslubiy boshqarmadan va ichki nazorat monitoring bo‘limidan metodistlar ham qatnashadi. O‘tilgan ochiq darslar tahlil qilinadi. O‘tkazilgan ochiq darslar bayonnomalari kafedralarda jadval bo‘yicha taxlab saqlanadi va bir nusxada o‘quv-uslubiy boshqarmaga ham topshiriladi.
Ushbu o‘quv yilidan ochiq darslar “Master-klass (Mahorat maktabi)” nomini olgan bo‘lib, o‘tiladigan dars mashg‘ulotlari shu nomga tom ma’noda mos kelishi talabi qo‘yilmoqda. Yaqin istiqbolda “Master-klass”lar OTMlari yagona portalida tajriba almashuv tariqasida taqdimot namoyish ko‘rinishida o‘tilishi ko‘zda tutilayotganligini ham e’tiborga olinmoqda, ochiq ma’ruzalar o‘tilishiga jiddiy e’tibor qaratish yangi vaqt me’yorlarida (XTV buyruqning 540-bandiga muvofiq) ushbu mashg‘ulotlarning professor-o‘qituvchi o‘quv yuklamasiga kiritilganligi bilan izohlanmoqda. Bu dars sifati va samaradorligini oshirish mexanizmini takomillashtirishning yangi istiqboli tariqasida baholanmoqda. Yana shuni ko‘rsatish zarurki, ochiq ma’ruzalarga korporativ hamkorlik shartlariga muvofiq, AL va KHK o‘qituvchilarini doimiy taklif etilishiga alohida e’tibor qaratilmoqda.
Institut rektori tomonidan tasdiqlangan ishchi o‘quv rejada ko‘zda tutilgan fanlardan aynan mustaqil ta’lim soatlari ham ajratilgan. Fakultetlarda fakultet dekani hamda o‘quv-uslubiy boshqarma boshlig‘i tomonidan tasdiqlangan jadval asosida o‘tkaziladi. Fakultetlarda talabalar uchun mustaqil ishlashlari uchun “mustaqil ish” xonalar ajratilgan. Talabalar tomonidan tayyorlangan mustaqil ishlari kafedrada saqlanadi. Kafedralarda ishchi o‘quv rejada ko‘zda tutilgan fanlardan mustaqil ta’lim soatlarini bajarilishi uchun mustaqil ish daftarlari tutilgan va yuritilyapti.
Talabalarimizga mustaqil ta’lim bo‘yicha tegishli slaydlar tayyorlatish, har bir professor-o‘qituvchi talabalar bilan har bir fan doirasidagi mustaqil ishlar bo‘yicha kamida 1-2 tadan prezentatsion jamlama (albom)lar tayyorlanmoqda. Shuningdek, kafedradagi barcha fanlar yuzasidan mustaqil ta’limlar tegishli jadval asosida belgilangan tartibda olib borilmoqda.
Institutda 2017-2018 o‘quv yili birinchi yarim yilligi uchun barcha ta’lim yo‘nalishlarida yakuniy nazorat ishlari yakunlandi. 20 yanvarda institut madaniyat saroyida barcha professor-o‘qituvchilar va viloyat prokuraturasi xodimlari bilan hamkorlikda “Antikorrupsion profilaktik tadbir” o‘tkazildi.
Jizzax davlat pedagogika instituti madaniyat saroyida korrupsiyaga qarshi kurashish masalalariga bag‘ishlangan “Korrupsiyasiz ta’lim” mavzusida tadbir o‘tkazildi. Tadbirda institut rahbariyati, professor-o‘qituvchilar, Jizzax viloyat prokuraturasi xodimi Eldor Azamov ishtirok etdi. Tadbirda institutning ilmiy, ma’naviy, o‘quv faoliyatidagi kamchiliklar, o‘quv jarayonida korrupsiyaning oldini olish masalalari muhokama qilindi.
Bundan tashqari:
- adolat qutilari (og‘zaki, yozma, elektron ko‘rinishdagi murojaatlar);
- ishonch telefonlari (226-13-57, 226-68-10);
- maxsus ishchi guruh tuzildi;
- har bir professor-o‘qituvchilardan yakuniy nazoratlarni adolatli va shaffoflik bilan o‘tkazish maqsadida kafolat xatlari olindi;
- institut barcha hududida e’lonlar osib qo‘yildi (Korrupsiyasiz ta’lim);
- telegrammda maxsus bot ham ochildi;
- kafedralarda appelyatsiya komissiyalari tashkil etildi;
Barcha yo‘nalishdagi o‘quv ishlari bo‘yicha dekan o‘rinbosarlaridan har kungi yakuniy nazorat natijalari va ma’lumotnomalari to‘plash bo‘lim xodimlari tomonidan qattiq nazorat ostiga olingan.
Fakultetlarda bakalavr ta’lim yo‘nalishlariga bitiruv malakaviy ishlari va magistratura mutaxassisliklari uchun magistrlik dissertatsiyalari bo‘yicha institut rektori tomonidan tasdiqlangan jadval asosida himoya qilinadi. Oxirgi uch yilda mavzularda takrorlanish holati bo‘lmagan. Mavzularda nisbatan bir-biriga o‘xshashlik bo‘lgani bilan tayyorlangan ish aynan mavzu bo‘yicha yoritilgan bo‘ladi. Kafedralardan talaba va magistrantlarga bitiruv ishi topshiriq varaqalari fakultet dekani tomonidan tasdiqlangan bo‘lib, uch nusxada tayyorlanadi. Bir nusxasi talabani qo‘lida bo‘lib, ushbu varaqada mavzular bo‘yicha ishning rejalari tuzilgan bo‘ladi va tuzilgan reja bo‘yicha ishlar tayyorlanadi. Kafedradan berkitilgan ilmiy rahbarlar tomonidan topshiriq ishlari bo‘yicha muntazam ravishda nazorat qilinadi. Bakalavr ta’lim yo‘nalishlariga bitiruv malakaviy ishlari va magistratura mutaxassisliklari uchun magistrlik dissertatsiyalari fakultetlarda dastlabki himoya jadvallari asosida o‘tkaziladi. Dastlabki himoyada talabalar va magistrlar tomonidan tayyorlangan ishlar ilmiy rahbarlari tomonidan ko‘rib chiqilib tahlil qilinadi. Tayyorlangan ishda kamchiliklari bo‘lsa ilmiy rahbarlar talaba va magistrlarga to‘g‘ri tushuncha berib, institut rektori tomonidan tasdiqlangan jadvalda ko‘rsatilgan kunga qadar to‘g‘rilanib tayyorlanadi va himoyaga tavsiya etiladi.
O‘zbekiston Respublikasi Xalq ta’limi vazirligi va Oliy va o‘rta maxsus ta’lim vazirligining 2005 yil 25 mart 63/66-raqamli “Pedagogik va kasbiy ta’lim yo‘nalishlari bo‘yicha davlat grantlari asosida tahsil olgan bitiruvchilarni ishga taqsimlash to‘g‘risida”gi qo‘shma buyruq asosida e’lon qilingan institut rektorining buyrug‘i bo‘yicha bitiruvchilarning taqsimoti 2018 yil 30-martda o‘tkazildi. Bugungi kunda yosh avlodni har tomonlama barkamol shaxslar qilib tarbiyalash, ularni ertangi kunimizning munosib vorislari sifatida shakllantirishda pedagog-xodimlarning o‘rni katta ahamiyatga ega. Institutimizni bitirayotgan talaba-yoshlarni kelgusida o‘z kasbining egasi qilib tarbiyalash naqadar muhimligini ta’kidladi. Institut rektori A.J.Xolbekov o‘z nutqida bo‘lajak yosh mutaxassislarni mazkur unutilmas kun bilan tabrikladi va barkamol avlodni tarbiyalashdagi ma’suliyatli, sermashaqqat ishlariga omadlar tiladi. Shuningdek, yosh mutaxassislar bilan tuzilgan uch tomonlama shartnomaga ko‘ra grant asosida tugatuvchi yoshlar belgilangan ish joylarida kamida uch yil ishlab berishlari shart ekanligi alohida uqtirib o‘tdi va institut bilan doimo uzviy aloqada bo‘lishlari lozimligini eslatdi. Respublikamiz yanada gullab-yashnashi ayni paytda, siz navqiron yoshlarning qat’iyati, shijoati va fidoyi sa’y-xarakatlariga ham bog‘liq, albatta. Kelgusida sizlardan Respublikamizning intellektual mulk salohiyatini rivojlanishiga ulkan hissa qo‘shib, dunyo hamjamiyatiga Respublikamizni tanishtira oladigan yoshlarni tarbiyalab yetishtirishingizga ishonamiz, deb bitiruvchilarga muvaffaqiyatlar tiladi. Yigilish belgilangan kun tartibiga asosan bakalavr bitiruvchilarini ish o‘rinlariga taqsimoti o‘tkazildi. Taqsimlash jarayonida Viloyat, tumanlar xalq ta’limi bo‘limlari va ta’lim muassasalari, viloyat o‘rta-maxsus, kasb-hunar ta’limi boshqarmasi talabnomalari, yosh oilali talabalarning oilaviy ahvolini, yashash manzilini hisobga olgan holda taqsimlash rejasi va tuman XTBlari, viloyat XTBlari kesimida mutaxassislarni ishga taqsimlash bo‘yicha O‘zbekiston Respublikasi Adliya Vazirligida 2004 yil 29 dekabr 1438-raqam bo‘yicha ro‘yxatdan o‘tkazilgan “Oliy ta’lim muassasalarining pedagogika va kasbiy ta’lim yo‘nalishlari bo‘yicha davlat grantlari asosida tahsil olgan bitiruvchilarni umumta’lim maktablari va ta’lim muassasalariga ishga taqsimlash tartibi to‘g‘risida”gi Nizomga asosan o‘tkazildi.
Institutda chet tilini o‘rganish bo‘yicha shart sharoitlar yaratilgan. Institutda chet tilini o‘rganish bo‘yicha 8 ta lingafon xonalari ajratilgan. Institutda AKT va chet tili kurslar tashkil etilgan bo‘lib, asosan talabalarning ta’til davrlarida professor o‘qituvchilar AKT va chet tili kurslarida o‘qishmoqda.
Institutda mutaxassislik fanlarini chet tilida o‘qitish matematika, fizika, informatika, rus tili adabiyoti ta’lim yo‘nalishi 2 kurslarida, va kimyo yo‘nalishining 1 kursida o‘qitilmoqda. O‘qitiladigan fanlarning tasdiqlangan namunaviy fan dasturlariga asosan ishchi o‘quv dasturi, o‘quv-uslubiy majmualarining ingliz tilidagi shaklari ishlab chiqilgan.
Institutda xar bir mutaxassislik fani buyicha o‘quv-uslubiy xujjatlarni tayyorlashda mutaxassislik kafedralariga amaliy yordam ko‘rsatish maqsadida ingliz tili buyicha va xorijiy ilg‘or tajribalarga ega mutaxassislar bilan yaqindan hamkorlik qilinmoqda.
Institutda xorijiy tajriba asosida mutaxassislik fanlaridan ingliz tilida o‘qitiladigan mavzular buyicha dars ishlanmalarini tayyorlangan.
O‘zbekiston Respublikasi Vazirlar Mahkamasi huzuridagi ta’lim sifatini nazorat qilish davlat inspeksiyasi boshlig‘ining 2018 yil 5-martdagi №79 son buyrug‘iga asosan “O‘zbekiston Respublikasi Ta’lim muassasalarini davlat akkreditatsiyasidan o‘tkazish tartibi to‘g‘risidagi nizomni tasdiqlash haqida” gi va 2006 yil 10 fevraldagi 21-son Qarori, O‘zbekiston Respublikasi Prezidenti Devonining 2018 yil 11 fevraldagi № 08-304-sonli topshirig‘i ijrosini ta’minlash maqsadida 2018 yilning 12-17 mart kunlari Jizzax davlat pedagogika instituti va Jizzax politexnika institutlarining ta’lim sifatini ta’minlash bo‘yicha faoliyatini o‘rganish bilan birgalikda, ularning davlat akkreditatsiya muddatlari tugaganligini inobatga olib attestatsiyadan o‘tkazildi. Institutning ta’lim sifatini ta’minlash bo‘yicha faoliyatini o‘rganish va attestatsiyadan o‘tkazish jadvalidagi jalb etilgan mas’ul komissiya a’zolari va jamoatchi ekspertlar guruhiga barcha savolnomadagi talablar bo‘yicha me’yoriy hujjatlar taqdim etildi.
Institut fakultetlar, kafedralar va bo‘limlardan tasdiqlangan talablar asosida institut ichki attestatsiyasiga oid ma’lumotlarning olinishi tashkil etildi va ta’lim sifatini nazorat qilish bo‘limida ularning elektron va chop qilingan hujjatlar bazasi tashkil qilindi. Mazkur hujjatlar bazasidan ichki attestatsiyani o‘tkazish jarayonida to‘liq foydalanildi.
Institutimiz iqtidorli talabalaridan 2017 yil talabalar Respublika fan olimpiadasida faol ishtirok etishdi va faxrli o‘rinlarni egallashdi. Jumladan:
- Xorijiy tillar fakulteti 1-kurs talabasi Ozotova Ozoda Azimboy qizi o‘zbek tili (umumkasbiy) fanidan talabalar Respublika fan olimpiadasida 1-o‘rinni (Ilmiy rahbar: L. Ibragimova);
- Xorijiy tillar fakulteti 1-kurs talabasi Kubaeva Nafisa Alisher qizi “Rus tili” (umumkasbiy) fanidan 2-o‘rinni (Ilmiy rahbar: M. Eshonqulov)
- Fizika-matematika fakulteti 4-kurs talabasi Do‘stqulov Jahongir Muxiddin o‘g‘li “Informatika va axborot texnologiyalari” (umumkasbiy) fanidan 3-o‘rinni (Ilmiy rahbar: D. Jomurodov)
- Fizika-matematika fakulteti 4-kurs talabasi Qayumova Sitora Norpo‘lat qizi “Matematka nazariyasi va metodikasi” fanidan 2-o‘rinni (dos. M. Nosirova)
- Maktabgacha va boshlang‘ich talim fakulteti 3-kurs talabasi Norova Nargiza Xalmamat qizi “Matematika nazariyasi va metodikasi” fanidan 2-o‘rinni (Ilmiy rahbari: F.Rahmatova).
O‘zbekiston Respublikasi Oliy va o‘rta maxsus ta’lim vazirligining 2017 yil 28 sentyabrdagi №698-sonli “2017/2018 o‘quv yili uchun Respublika oliy ta’lim muassasalari talabalariga O‘zbekiston Respublikasi Davlat stipendiyalarini (Navoiy, Beruniy, Ulug‘bek, Ibn Sino, Imom al-Buxoriy, Islom Karimov) tayinlash to‘g‘risida”gi buyrug‘iga asosan quyidagi talabalar Nomli Davlat stipendiyasi sohibi bo‘ldi.
- Xidirova Maftuna Hasan qizi – Navoiy;
- Ravshanova Adolat Ravshan qizi – Navoiy;
- Abdualimov Alisher Samandar o‘g‘li – Navoiy;
- Sindarov Bunyodjon Abduvohob o‘g‘li – Islom Karimov;
- Sharofiddinov Abdulla – Yoshlar ittifoqi stipendiyasiga sovrindori bo‘lishdi.
Institut kafedralarida 25 ta fan to‘garagi faoliyat olib boradi va unda 932 nafar talaba qatnashadi. Iqtidorli talabalar xalqaro va Respublika konferensiya axborot xatlari bilan tanishtirib boriladi.
- Bundan tashqari iqtidorli talabalar bilan hamkorlikda 2018 yil 8 fevral kuni o‘zbek tili va adabiyoti fakultetida O‘zbekiston Fanlar Akademiyasining akademiklaridan Navoiy nomidagi O‘zbek tili va adabiyoti institutining bo‘lim boshliqlari Naim Karimov, Baxtiyor Nazarov shuningdek mazkur institut direktor o‘rinbosari, filologiya fanlari doktori, professor Mamatqul Jo‘raevlar ishtirokida buyuk mutafakkir so‘z mulkining sultoni Alisher Navoiy hamda buyuk sarkarda, shoh va shoir Zahiriddin Muhammad Bobur tavalludi munosabati bilan ijodiy uchrashuv tashkil etildi.
- O‘zbekistonda botanika fanining yutuqlari va hozirgi kunda olib borilayotgan ilmiy ishlar. O‘zbekiston fanlar akademiyasi akademigi Botanika instituti direktori Tojibaev Komiljon Sharobitdinovich
- “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha harakatlar strategiyasi”ning mazmun-mohiyatini keng targ‘ib qilish yuzasidan munozara-debat shaklida tadbir, Amerika elchixonasi tomonidan sovg‘a qilingan xorijiy adabiyotlar taqdimoti yuzasidan targ‘ibot tadbiri o‘tkazildi
- O‘zbekiston Respublikasi Prezidentining 2017 yil 13 yanvardagi “Kitob mahsulotlarini chop etish va tarqatish tizimini rivojlantirish, kitob mutoalasi va kitobxonlik madaniyatini oshirish hamda targ‘ibot qilish bo‘yicha komissiya tuzish to‘g‘risida”gi PF-4789-sonli farmoyishi hamda 2017 yil 13 sentyabrdagi “Kitob mahsulotlarini nashr etish va tarqatish tizimini rivojlantirish, kitob mutoalasi va kitobxonlik madaniyatini oshirish hamda targ‘ib qilish bo‘yicha kompleks chora-tadbirlar dasturi to‘g‘risida”gi PQ-3271-sonli qarori ijrosini ta’minlash borasida axborot-resurs markazi barcha foydalanuvchilar uchun qulay sharoitlarni tashkil etish, zarur axborotlarni tez va qulay taqdim etish imkoniyatlarini yaratish maqsadida faoliyat olib bormoqda. Jumladan:
- Davlat ta’lim standartlarining o‘quv jarayoniga tadbiq etilishi.
Institut professor-o‘qituvchilarining barcha fanlar bo‘yicha o‘quv-uslubiy majmualaridan talabalarning foydalanishi uchun ARMda alohida o‘quv zali tashkil etilgan bo‘lib, 2017-2018 o‘quv yilida barcha kafedralar O‘UMning yangilangan nusxalarini topshirdilar.
- Ta’lim olish uchun yaratilgan sharoitlar.
2.1. Talabalarning o‘quv-ta’lim jarayonini samarali tashkil etish borasida institut axborot-resurs markazining barcha ichki bo‘limlarida mustaqil dars tayyorlash hamda zarur axborotlarni turli shakllarda olish imkoniyatlari yaratilgan. Hozirgi kunda axborot-resurs markazida 9 ta o‘quv zallari bo‘lib, ulardan 5 tasi ixtisoslashgan zallardir. Bular quyidagilar: magistrlar va ilmiy tadqiqotchilar uchun mo‘ljallangan o‘quv zali, innovatsion texnologiyalarni tatbiq etish zali, badiiy adabiyotlar zali, aniq va tabiiy fanlarga ixtisoslashgan o‘quv zali hamda ijtimoiy-gumanitar fanlarga ixtisoslashgan o‘quv zali.
2.2. Talaba-yoshlarning kitob mutolaasiga bo‘lgan qiziqishini oshirish maqsadida tashkil etilgan “Badiiy adabiyotlar” bo‘limida institut rahbariyati tomonidan e’lon qilingan “Mening sevimli o‘nta kitobim” madaniy-ma’rifiy tanlovining 1-bosqichini o‘tkazish yuzasidan tanlovga qo‘yilgan badiiy adabiyotlarning mazmun-mohiyatini targ‘ib qilish bo‘yicha fakultetlar bilan hamkorlikda bahs–munozara va davra suhbatlari tashkil etish rejasi ishlab chiqildi. Mazkur adabiyotlarning o‘qilishini tashkil etish maqsadida badiiy adabiyotlar bo‘limida kitobxonlarga qulay sharoitlar yaratildi.
2.3. Institutning Talabalar turar joyida ARM tarmog‘i tashkil etilgan bo‘lib, mazkur tarmoq 1719 ta kitob fondiga ega. Shu bilan birga, o‘quv adabiyotlarning elektron versiyalari tarmoqdagi mavjud kompyuter xotirasiga joylashtirilgan. Tarmoq 25 o‘ringa mo‘ljallangan bo‘lib, talabalarning dars tayyorlashi uchun barcha sharoitlar mavjud.
2.4. Shuningdek, institutda tahsil oladigan imkoniyati cheklangan foydalanuvchilarga maxsus NVDA dasturi asosida xizmat ko‘rsatiladi. Bunday talabalar uchun 300 dan ziyod audio yozuvli adabiyotlar mavjud. Bundan tashqari, viloyat ko‘zi ojizlar kutubxonasi bilan institut axborot-resurs markazi o‘rtasida shartnoma tuzilgan bo‘lib, imkoniyati cheklangan talabalar uchun mo‘ljallangan maxsus Brayl usulidagi adabiyotlarni olib kelish yo‘lga qo‘yilgan. Shu bilan birga, kitobxonlarning xususan, musiqiy ta’lim yo‘nalishi talabalarining mustaqil dars tayyorlashlariga mo‘ljallangan Sibelius 7 dasturi ham ishlab turibdi.
2.5. Axborot-resurs markazida foydalanuvchilarga qulayliklar yaratish hamda ularga samarali xizmat ko‘rsatish maqsadida 2015 yil 20 iyulda imzolangan hamkorlik shartnomasi asosida institut professor-o‘qituvchilari, talabalar va ishchi–xodimlarning Alisher Navoiy nomidagi O‘zbekiston milliy kutubxonasiga jamoaviy a’zoligi yo‘lga qo‘yilgan. Ushbu shartnomaning imzolanishi orqali foydalanuvchilar ARMning elektron darsliklar bo‘limida jahon ilmiy-ta’limiy ma’lumotlar bazasi: TOMSON REUTERS, Springer, EBSSO information services, Oxford University Press, Cambridge University Press, ProQuest, YeAST VIEW, ELIBRARYdan foydalanish imkoniyatlariga ega bo‘ldilar. 2018 yilda mazkur ma’lumot bazalaridan barcha ilmiy izlanuvchilar va talabalar erkin foydalanishlari yo‘lga qo‘yildi.
Ayni paytda “Elektron darsliklar” bo‘limining umumiy fondi 11750 ta bo‘lib, talabalarning elektron axborot-resurslaridan erkin foydalanishlari uchun barcha sharoitlar mavjud. Kompyuterlar INTERNET va ZiyoNET tarmog‘iga ulangan. Foydalanuvchilar www.natlib.uz, www.ziyonet.uz, www.fikr.uz, www.kitob.uz, www.lex.uz kabi saytlardan unumli foydalanmoqda. ARMda kitobxonlar uchun masofadan turib foydalanish imkoniyatlari yo‘lga qo‘yildi va foydalanuvchilar O‘zbekiston Milliy kutubxonasining sayti orqali xorijiy o‘quv adabiyotlarni o‘qish va yuklab olish imkoniyatlariga ega bo‘ldi.
2.6. Yil davomida ARM xodimlari kafedralar bilan hamkorlikda ish olib borib, talabalarning o‘quv adabiyotlar bilan ta’minlanish darajasini o‘rgandi. Ayni paytda bu ko‘rsatkich 101,39% ni tashkil etadi. Shuningdek, lotin yozuvidagi o‘quv adabiyotlari bilan ta’minlanganlik darajasi 34,54 % ga yetkazildi.
Ta’lim sifatini nazorat qilish bo‘limning 2018 yil birinchi chorakda amalga oshirgan ishlar yuzasidan hisobot tayyorlandi va institut rektori hamda Davlat inspeksiyasiga taqdim etildi
