“ Ta’kidalsh joiz xalq sevgisi, azaliy o‘zbekona qadriyatlarga sadoqat Hamid Olimjon hayoti va ijodi uchun rahnamo kuch va ilhombaxsh qudrat bo‘lgan. Yuksak insoniy e’tiqod sohibi Hamid Olimjon Vatani va xalqining madaniy taraqqiyot yo‘lidan mardona odimlar bilan borish uchun astoydil ter to‘kdi. Uning asarlari hali-hamon o‘quvchilarga, ruhiy ozuqa, bo‘lib kuchberadi. U she’riyat va nasr, dramaturgiya va badiiy tarjima, tanqid va adabiyotshunoslik sohalarida samarali mehnat qildi. Bu sohalarning har birida o‘chmas iz qoldirdi. Uning ijodi o‘zbek xalqining ijtimoiy, iqtisodiy va madaniy taraqqiyotida ro‘y bergan siljishni aks ettirdi. Ijtimoiy faoliyat ham, adabiy ijod ham Hamid Olimjon uchun faol harakat maydoni bo‘ldi. U ijodkor sifatida ikki she’riy drama, 200 ga yaqin she’r, 4 ta ballada, 9 ta doston, o‘nlab publitsistik va adabiy-tanqidiy maqolalar yaratdi. Ijodiy uyushma rahbari sifatida esa qanchadan-qancha shoir va yozuvchilarning o‘sib shakllanishiga, qanchadan-qancha asarlarning yaratilishiga sababchi bo‘ldi. Nafaqat 30-yillarda balki 40-yillarda bitilgan, hatto 50-yillarda maydonga kelgan ayrim asarlar ham uning daldasi bilan yaratilgan” –deydi ” O‘zbek tili adabiyoti kafedrasi “ dotsenti Usmonjon Qosimov
Shoir bor-yo‘g‘i 35 yil umr ko‘rdi. Ammo shu qisqa umri davomida hamidona barkamol she’rlardan tashqari, “Muqanna” she’riy tragediyasini yaratdi, o‘zbek xalqining buyuk eposi – “Alpomish” dostonini tadqiq etib, nashr qildi; Navoiy aksar asarlarining ruschaga so‘zma-so‘z, “Farhod va Shirin”, “Layli va Majnun” dostonlarining, shuningdek, “Alpomish”ning esa she’riy tarjima qilinishida tashabbuskor bo‘ldi. Anjumanda so‘zga chiqqanlar uning asarlaridan parchalar keltirib, yig‘ilganlarga uning yaratilish tarixi va shior hayotining eng qizg‘in pallari haqida hikoya qilishdi. Betakror hassos qalb sohibi, otashin shoir, baxt va shodlik kuychisi ijodiga bag‘ishlangan kechani oliygoh ijodkor yoshlari tomonidan tayyorlangan badiiy chiqishlar yakunladi..
Jizzax davlat pedagogika instituti axborot xizmati
