Dramatik asarlarni ifodali o`qishga kirishishdan avval, drama haqida qisqacha umumiy ma`lumot berish lozim. Dramatik asarlarda epik va lirik asarlardagi kabi muallifning batafsil bayoni va hikoyasi bo`lmaydi, drama kishini faqat harakatdaifodalaydi.
B.G. Belinskiy aytganidek, dramatizm faqat so`zlashuvdagina emas, balki bir-biri bilan so`zlashyotganlarning jonli harakatidan iboratdir. Drama badiiy adabiyotning asosiy turlaridan bo`lib, monolog va dialoglar asosida quriladi. Shuning uchun ham u roman, qissa, hikoya va she`riy asarlardan tubdan farq qiladi. Dramatik asarda muallif qahramonlarning turli kayfiyatini, holatini va hatto ichki hissiyotini ham ularning nutqi va xatti-harakati orqali bayon etadi.